लोणीकंद: गणेशोत्सव अवघ्या काही तासांवर येऊन ठेपला असून मुर्तीकरांची गणपतीच्या मूर्तींना रंगकाम व नक्षिकाम करून फायनल गणपती रंगवून तसेच फेटे घालण्याचे काम पूर्ण झाले असून बाजार पेठा सजल्या आहेत १९ सप्टेंबर ची गणपती असुन जसजशी तारीख जवळ येते तसे आम्ही रात्रभर जागून गणपतीला रंग देऊन मुर्ती सजवून तयार केल्या आहे. गणपती बाप्पाच्या मुर्ती विक्रीसाठी कारागिरांची लगबग सूरु झाली आहे.
गणपती बाप्पाचे आगमन होणार म्हटले कि बाळगोपाळा पासुन तर अगदी वयोवृद्धापर्यत सर्वांमध्ये आनंदाचे वातावरण पाहिला मिळते. मुर्तीकर बाप्पाची मूर्ती बनविण्याचे काम करतात दगडूशेठ गणपती, लालबागचा राजा, फुलातील गणपती, बैठ्या गणपतीला जास्त प्रमाणात मागणी आहे लहान मोठे गणपती बनवत असून काही मुर्ती ग्राहकांनी व मंडळांनी मुर्ती बुकिंग करून ठेवल्या आहेत.
सध्याच्या महागाईच्या काळात गणपती मुर्ती बनविताना गणपती बनवायचे साहित्य खुप महाग झाले आहे भाव वाढले म्हणुन आम्ही कधीच बाप्पाची मुर्ती बनविने सोडणार नाही बाप्पा आमची ऊर्जा आहे तसेच गणेश भक्तांसाठी स्वखर्चातून विसर्जन हौदाची व्यवस्था करत असल्याचे मुर्तीकारांनी सांगितले सध्या बाजारात गौरी गणपती सजावटीसाठी लागणार्या वस्तुंची दुकाने लोणकंद भागात सज्ज असल्याचे चित्र दिसून येत आहे.
Loading ...