पुणे, लोहगाव: आधुनिक भारताच्या डिजिटल युगात विद्यार्थ्यांना तंत्रज्ञान आणि नवकल्पनांशी जोडण्यासाठी एअर जी इंटरनॅशनल आणि राजारामबापू इन्स्टिट्यूट ऑफ टेक्नॉलॉजी (RIT), लोहगाव यांच्या संयुक्त विद्यमाने AI & STEM एअर जी कार्निव्हल 2025 चे आयोजन करण्यात आले आहे. हा तीन दिवसांचा भव्य तंत्रज्ञान महोत्सव 25 ते 27 एप्रिल 2025 दरम्यान RIT, लोहेगाव, पुणे येथे पार पडणार आहे.
उद्दिष्ट – विज्ञान, तंत्रज्ञान आणि करिअरचा मिलाफ
AI म्हणजे भविष्य, तर STEM (Science, Technology, Engineering, Mathematics) म्हणजे त्याचा पाया. या कार्निव्हलचे मुख्य उद्दिष्ट म्हणजे शालेय विद्यार्थ्यांमध्ये विज्ञान व तंत्रज्ञानाची आवड निर्माण करणे, शिक्षकांना NEP 2020 नुसार STEM शिक्षणासाठी प्रशिक्षित करणे आणि युवकांना AI व Robotics क्षेत्रातील करिअर संधींबाबत मार्गदर्शन करणे.
प्रमुख आकर्षणं:
विद्यार्थ्यांच्या STEM व टेक प्रकल्पांचे थेट प्रदर्शन: शाळेतील विद्यार्थ्यांनी स्वतः तयार केलेले विज्ञान व तंत्रज्ञान प्रकल्प, समाजोपयोगी कल्पना आणि नवोन्मेष सादर करतील. AI व Robotics सादरीकरण: नवकल्पना, मशीन लर्निंग, रोबोटिक्स आणि ऑटोमेशन यावर आधारित प्रात्यक्षिकं.
AI आणि करिअर मार्गदर्शन सत्र (10वीच्या विद्यार्थ्यांसाठी): यामध्ये AI क्षेत्रातील करिअरच्या संधी, आवश्यक कौशल्यं आणि पुढील अभ्यासक्रमांची माहिती दिली जाईल. युवकांसाठी स्टार्टअप व इनोव्हेशन मार्गदर्शन: स्टार्टअप संस्कृती, फंडिंग, प्रोटोटायपिंग व मार्केटिंग यावर तज्ज्ञांचे मार्गदर्शन.
शिक्षकांसाठी NEP 2020 व STEM ट्रेनिंग: नव्या शैक्षणिक धोरणांनुसार शिक्षण कसे करावे, याचे प्रशिक्षण.
Lab of Creativity by IINSparks: नवकल्पना आणि सर्जनशीलतेला चालना देणारे प्रयोग आणि कार्यशाळा. थेट अनुभव घेण्यासारखे: AI, IoT, Drones, Virtual Reality, Smart Systems या तंत्रज्ञानांचा थेट अनुभव.टेक स्टॉल्स, स्पर्धा आणि प्रेरणादायी व्याख्यानं: तंत्रज्ञान क्षेत्रातील उद्योजक, संशोधक आणि शास्त्रज्ञ यांची साक्षात भेट.
संस्थापक प्रताप पवार यांचे उद्गार:
> “आमचं ध्येय विद्यार्थ्यांना केवळ शिकवणं नव्हे, तर त्यांना टेक्नॉलॉजीचा अनुभव देऊन त्यांना जगाच्या स्पर्धेसाठी सज्ज करणं आहे. हे कार्निव्हल म्हणजे त्याच दृष्टीने एक पाऊल आहे.
प्रवासाची सुविधा:रामवाडी मेट्रो स्टेशन ते RIT कॉलेज (लोहेगाव) दरम्यान पेड बस सेवा उपलब्ध आहे. त्यामु,ळे कोणत्याही वयोगटातील सहभागींसाठी सहज पोहोचणं शक्य होणार आहे.
संपर्क व नोंदणीसाठी:
अधिक माहितीसाठी आणि प्रकल्प नोंदणीसाठी www.airginternational.org या संकेतस्थळाला भेट द्या. शाळा, शिक्षक, विद्यार्थी आणि पालक – सर्वांसाठी प्रवेश खुला (नोंदणी आवश्यक).
AI & STEM एअर जी कार्निव्हल 2025 म्हणजे केवळ एक प्रदर्शन नव्हे, तर एक अशी चळवळ आहे जी भारतातील युवा पिढीला तंत्रज्ञानसाक्षर बनवण्याच्या दिशेने उचललेलं ठोस पाऊल आहे.
Loading ...