बस चालवताना मोबाईल वापर आणि तंबाखू सेवन केल्यास होणार कारवाई..

महाराष्ट्र राज्य मार्ग परिवहन महामंडळ (MSRTC) च्या एका चालकाला बस चालवताना आयपीएल सामना पाहिल्यामुळे निलंबित करण्यात आले. या घटनेनंतर, PMPML ने आपल्या सर्व कर्मचाऱ्यांना कडक सुचना जारी केल्या आहेत.

एखादा चालक मोबाईल वापरताना किंवा तंबाखू खाताना आढळल्यास त्याला निलंबित केलं जाऊ शकतं. याबाबतचे निर्देश पीएमपीएमएलने कर्मचाऱ्यांना दिले आहेत.

पीएमपीएमएलने चालक किंवा वाहकांविषयीच्या तक्रारींसाठी व्हाट्सअ‍ॅप क्रमांक देखील जारी केला आहे. त्यानुसार प्रवाशांना ता तक्रारींचे फोटो किंवा व्हिडिओ तसंच ज्या बसची तक्रार करायची आहे त्या बसचा क्रमांक पीएमपीएमएलच्या ‘complaints@pmpml.org’ या ईमेलवर पाठवता येणार आहे. तसंच 9881495589 या व्हाट्सअ‍ॅप क्रमांकावर देखील तक्रार पाठवण्याची विनंती पीएमपीएमएल प्रशासनाकडून करण्यात आली आहे.