शासनाच्या विविध प्रकारच्या योजना राबवून गाव विकसित करू; उपसरपंच, किर्ती पायगुडे
श्री क्षेत्र वाडेबोल्हाई (ता.हवेली) येथील बोल्हाई देवी पालखी मार्ग रस्त्यासाठी व विविध कामांसाठी पुणे जिल्हा नियोजन समितीच्या व ग्रामपंचायत माध्यमातून निधीची तरतुद करण्यात आली असून मंदीर परिसरातील रस्त्यांची कामे मार्गी लागणार असून वाडेबोल्हाई गावची सर्वांगीण विकासाकडे वाटचाल चालू असल्याची याबाबत सविस्तर माहिती ग्रामपंचायतीच्या प्रथम लोकनियुक्त महिला सरपंच वैशाली चंद्रकांत केसवड व उपसरपंच किर्ती अमोल पायगुडे यांनी माध्यमांशी बोलताना सांगितले.
पुणे जिल्हा नियोजन समितीच्या निधी अंतर्गत मंजूर झालेल्या विविध विकास कामांमध्ये वाडेबोल्हाई येथील राजु भोरडे घर ते बाळासाहेब केसवड यांच्या घराकडे जाणारा पालखी मार्ग रस्ता करणे,बोल्हाई मंदिर पालखी मार्ग १ किमी रस्ता डांबरीकरण करणे, वाडेबोल्हाई ग्रामपंचायत कार्यालय ते बाळु लोखंडे घर कॉर्नर रस्ता काँक्रीटीकरण करणे, केसनंद शिवरस्ता करणे, रिकामेवस्ती शिवरस्ता करणे,राधा नामा शिंदे ते पायगुडेवस्ती रस्ता करणे, वाडेगाव येतील प्रदिप शिंदे घर ते बाळासाहेब केसवड पालखी मार्ग रस्ता करणे,वाडेबोल्हाई वाडेगाव ते खुटाळी रस्ता,वाडेबोल्हाई प्राथमिक आरोग्य केंद्र ते पायगुडेवस्ती रस्ता करणे ग्रा.मा. ६१, इंगळेमळा ते पायगुडेवस्ती रस्ता करणे अशी मोठ्या आर्थिक निधीच्या विकास कामांना मंजुरी मिळाली आहे.
तसेच वाडेबोल्हाई ग्रामपंचायती मधील १५ वा वित्त आयोग व ग्रामनिधी अंतर्गत वॉर्ड क्र.३ मध्ये बोल्हाई पालखी मार्ग रस्ता काँक्रीटीकरण करणे,वॉर्ड क्र.२ मध्ये बारांगणी उर्वरीत रस्ता डांबरीकरण करणे,वॉर्ड क्र.१ मध्ये पंडीत भोर ते साष्टे रोड मुरुमीकरण करणे,वॉर्ड क्र.४ मध्ये वाडेबोल्हाई साष्टे शिवरस्ता मुरुमीकरण करणे,जि.प.शाळा शौचालय बांधकाम,स्मशानभुमी शौचालय बांधकाम,ओपन जिम (जि.प.निधी),रिकामेवस्ती शिवरस्ता उर्वरीत काम,नवनाथआळी बंदिस्त गटर लाईन करणे अशा प्रकारे विकास कामांना मंजुरी मिळाल्याचे सरपंच वैशाली केसवड, उपसरपंच किर्ती पायगुडे यांनी सांगितले.
वाडेबोल्हाई गावची सर्वांगीण विकास होण्याचे उद्दिष्ठ समोर ठेऊन आम्ही उपसरपंच व सर्व ग्रामपंचायत सदस्य यांना बरोबर घेऊन काम करीत असून येत्या काळात मोठा आर्थिक निधी विविध विकास कामांसाठी मंजूर झाला असून वाडेबोल्हाईची सर्वांगीण विकासाकडे वाटचाल चालू आहे.- वैशाली चंद्रकांत केसवड, सरपंच- ग्रामपंचायत वाडेबोल्हाई
रस्ते,पाणी,वीज,ड्रेणेज,आरोग्य,आदी समस्या सोडविण्याचे काम आम्ही ग्रामपंचायत व शासनाच्या माध्यमातून करीत असून ग्रामस्थांना शासनाच्या विविध प्रकारच्या योजना, सेवा, सुविधा देण्याचेही कामे आम्ही ग्रामपंचायतीच्या माध्यमातून करून गाव विकसित करीत आहोत -किर्ती अमोल पायगुडे,उपसरपंच – ग्रामपंचायत वाडेबोल्हाई